今天又趁墟睇左《赤壁》上集，是冲着吴宇森和金城武去的！

大片不愧是大片，必不可少的战争场面，除左群众演员多之外，特技效果都好多，如果唔系点够表现曹操果80万大军，同埋几千首船既舰队呀！静系睇呢D都值回票价啦！

对比返前排睇既《见龙卸甲》，都有D相同既情节，例如刘备带住汉室百姓大逃亡啦，子龙单骑救阿斗！只不过《见》系描写赵子龙既生平，好多历史都只是一笔带过，《赤壁》既情节就全面，斋上集就已经两粒钟啦，睇得好过瘾！几时先有下集呀？

戏入边有D比较现代式的幽默由诸葛亮讲出黎，俾报纸话不符合史实；同埋孙尚香果句“匹女有责”，又俾报纸话个编剧没语言文化既底蕴喔；不过我觉得都系戏黎既姐，睇戏都系为左娱乐，没咩唔好呀！我地又唔系没读过历史，没读过语文，要靠睇戏黎学历史、文化，甘我地之前读果20几年书黎做咩呀？

不过唔系好明点解近期阿朝伟拍亲都有脱戏同床戏，其实都系着返件衫岩距D，成熟稳重呀嘛！脱呢D野留返俾金城武就得啦！嘻嘻……

星期一至星期五，如无需陪外地黎既老细、同事或客人吃饭，我都会带午饭返公司吃。妈咪会一早起床帮我准备中午的饭盒，每次同事问我今日吃咩，其实我都唔系好知，因为要等中午打开个饭盒我先知道今日吃乜送，呵呵……辛苦晒距啦！

每天都好期待呢个时刻，唔好以为我大食呀！

期待系因为中午时分好多同事就会聚埋系茶水间果个会议室度开餐，卡姐啦，达令啦，A米姐啦，Ta姐啦，Ken Ken啦，小晕啦，sometimes 仲会有鱼哥啦，CEO啦 & 师傅等等既！

见到距地，我就知道happy hour黎啦！距地有D就专心睇报纸啦（例如卡姐）；有D就专心读报纸俾我地听啦（例如Ta姐）；仲有其他果D就会系度讨论下时事热点呀，个人&朋友经历呀；有时又会做下心理测验呀，讲下笑之类甘啦！其实简单D黎讲就系吹吹水甘罗！哈哈……

好似沉日，Amy姐就出左题心理测验俾我地，一般准啦我觉得！

“填空题，请填写形容词：猫很（ ），狗很（ ），森林很（ ），玻璃杯很（ ），荡秋千很（ ）”

唔知听日我地会有咩话题呢？

P.S. 附上一张陈少爷既处男照，好似陈太呀！