Profil de 小车车厘子子子子子……PhotosBlogListesPlus  |  Outils Aide |
|
25 juillet 万世歌王一直好想睇，以为会错过，要多谢彦文&距既friend帮忙买飞，终于可以睇到瑞文既表演！只系有小小可惜某人赶唔到返黎一齐睇！
精致既舞台同闪亮既服饰，摆到明同子华系唔同路线既！个台虽然唔似人地演唱会甘华丽，但睇到系好用心去设计过架，小车好中意果张白雪雪西式既沙发椅，以致于当工作人员系幕后搬走距果阵，小车好紧张甘同隔离既达令讲：距地搬走左张凳呀！被达令话：你唔好注意埋呢D野啦！
 瑞文一人分是N角既精湛演技真系令小车担心距表演完之后会唔会变左精神分裂。由城城到陈冠希，到twins，到周笔畅，首首动听兼爆笑，佩服距有一把好好听既声音，好似唱咩都好好听！
最意想不到既千人卡拉OK合唱，系将《千山我独行》翻译左英文之后，以中文原唱既语气唱出，令人难忘。小车已经唔系好记得距系点翻译啦，大家不妨试唱下：
《千山我独行》 - Thousand Moutains I Go Alone
湖海洗我胸襟 - ocean wash my heart and chest 河山飘我影踪 - river and hills flow my shadow 云彩挥去却不去 - color clouds let it go don't go 赢得一身清风 - win one body clear wind 尘沾不上心间 - dust ...... 情牵不到此心中 - ...... 来得安去也写意 - come and go is comfortable 人生休说苦痛 - life don't say it's painful 聚散匆匆莫牵挂 - easy come and easy go 未记风波中英雄勇 - ...... 就让浮名轻抛剑外 - ...... 千山我独行不必相送 - thousand moutains I go alone 啊独行不必相送 - Ah, thousand moutains I go alone 遇到你 - 日偏食 Jul. 22, 2009琳达话距祈求左好耐既日全食，竟然只光临总部上海，忘记了我地民间，因为我地只能看到日偏食。但你点都林唔到的系当日上海落雨，咩都睇唔到，反而广州全日放晴，系理想既观日地点！搞到上海既同事很郁闷，呵呵…… 果日返工果阵就不断见到路上有人举高D菲林底片黎睇住个太阳，自己系巴士度都不自觉是不是望下个太阳，又望下个手表，惊错过左。返到公司，小晕话同事都落晒7楼平台去睇啦，拿拿林同丧哥一齐搭电梯落去。同搭一部电梯既几个女仔系7楼撞到同事，话食紧啦，果几个女仔就好似小朋友听到前面有糖派甘，小跑住冲左过去。我自己心入边都好似好兴奋甘，罗住琳达准备既底片望向太阳，不过看得唔系好清，唯有排队去罗果块据说好pro既玻璃片黎睇。哇……终于睇到啦，真系好神奇呀！！！ 转贴A米姐发过黎既两张相分享下！
16 juillet PK的技术星期六果日先同大师讨论完距近期既PK体验，沉晚就轮到我自己啦！过马路果阵没睇清楚就过，俾架单车撞到邓左系地，真系好鬼瘀！好在没整跌踩单车果个人，如果唔系就唔好意思啦！↲ 本来果位阿姨都几激动下架，话我做乜唔睇真再行，我一路都没出声，到我挣扎住企返起身果阵距竟然好温柔甘话“唔好意思呀下，唔好意思呀！”可能距见到我左脚擦损左挂！↲ 其实应该我讲对唔住既，不过实在太瘀啦，所以企定之后就拿拿林离开现场，咩都没讲到，有D唔礼貌罗。行行下先发现左脚流血，好在有自备止血贴，吓亲老爷奶奶就唔好啦！晚上话俾老公听果阵就吓亲距啦，我以后会再小D架啦，唔好惊！ 2 juillet 善意的谎言？
|
|
|
