Profil de 小车车厘子子子子子……PhotosBlogListesPlus  |  Outils Aide |
|
29 septembre Rainy Zhengzhou从25号落机开始既毛毛雨，到28号走果阵既大雨，旅程既4日里边我地真系好富贵，水为财呀嘛！
 Day 1: Sept. 25
早上8点几机，so 我晨5就要起床啦，两个钟头唔使就到左郑州，系酒店训左一觉先出去稳野吃，开始落毛毛雨，发觉系街度得我地担伞之外，其他人都系雨中漫步！意外地系我地既目的地“丹尼斯百货”门口发现左间O记，门面有D旧喔！入边既brand mixed都OK啦，几多大牌子既！
Mon仔第一次坐飞机，距好开心呀！你睇下距个样几期待！
晚上主人家请一众从外地赶黎既兄弟姊妹吃饭，系郑州有名既烩面！烩面有两间系郑州系比较出名既，一间系萧记，一间系何记（同我同姓架!)，不过我地去果间系萧记！北方人吃野大部分都系凉菜黎架，所以有D唔惯，不过D送都好好吃，本来想影下D送架，不过除左我地两个系南方人之外，其他都系北方人黎既，所以惊俾其他同学仔笑我地大乡里，所以没影到！呵呵……D烩面系最后上架，因为已经太饱啦，所以只系点左几碗，大家share！真系好正架！
饭后陪一对新人去酒店彩排，系婚庆公司安排既，由走位到发言，每一步都好detailed。不禁佩服人地既婚庆公司做得真系好呀！
Day 2: Sept. 26，人地大日子
早上D雨好俾面，停左两个钟度，等一对新人唔使太狼狈！我亦都可以见识左下北方人既结婚仪式，虽然唔算好地道，因为新郎唔系郑州人，所以有D野都系从简啦！摆酒系安排系中午架，所以我地又要晨早起床准备！成场婚礼好似一场show甘，好体面，个司仪都做得好好，全程跟住对新人搞气氛，朗诵既功力比得上央视既主持人。不过后来发现，原来斋请婚庆公司既费用都要7500大元，我先知差别系边罗，
 呵呵……但摆酒既费用如果唔系新郎亲口讲既我都唔信喔，超便，四星级酒店每席900蚊有找，摆左16围都唔使万五蚊，虽然唔系鲍心翅肚，因为呢D系南方先兴既，但D送菜都好体面下架！下跪 抱得美人归
中午摆完酒之后其他兄弟姊妹都散晒啦，我地就返酒店补眠罗，实在系累！不过对比起广州要累成日黎讲，中午摆酒，下午休息呢个方法又几人性化喔，呵呵……
天啊，又开始落雨啦！
晚上又系主人家请吃饭，系间叫海底捞既火锅城，好似其他城市都有分店架！一入门口我就已经猛打喷嚏，证明D火锅料好足，正！铺头入边仲有即场拉烩面给客人既表演，D拉面既男仔好有姿势架，好似跳紧舞甘！主人家仲买左几个新鲜既莲蓬系度剥莲子吃，新鲜既莲子唔使挖条芯出黎直接吃都好甜架，正！
Day 3: Sept. 27
呢日plan左去开封，交通费超便，成60公里既路程，坐距地既城际大巴，7蚊/人，搞掂！郑州呢排搞紧艺术文化节，原来当日有花车游行，竟然俾我地撞到，个大巴司机好醒目，特登将部车开到好慢俾我地影相！
花车巡游
到左开封，一落车发现呢度比郑州冻好多！着左两件长袖衫既我一路打冷震，原来天气报告话得18度咋，街上面既人已经着紧冷衫啦！第一站包公祠，发现门票有D贵，20蚊/人。入边展览既全部都系新整既复制品，连陆毅拍既果套包公既DVD都摆左系个展厅度。Hey，有没D真正有历史既野呀？而且好细，10分钟唔使就行完啦，行完之后可以答你，没意思！
去开封府既途中买左件樽领衫打底，终于感觉到D温暖啦！有左之前既经验，系发现开封府既票价系50蚊/人之后，我地决定走，而且当时又落雨啦！真系无奈！之后D雨仲越落越大，吃完午饭后，我地就打道回郑州啦！开封俾我既感觉系有D落后，但又没乜历史既痕迹。
返到郑州发现依然大雨，很郁闷！
Last Day in Zhengzhou: Sept. 28
早上出黎吃早餐，D雨没停过，发现街上面既行人都依然系没担伞架，只系步速加快左，莫非距地觉得担伞会影响距地既形象？中午check out完出黎，雨势仲大左，终于见到大部分人都担伞啦，呵呵……
到左郑州机场，成个大厅都好静，人唔多，距有距既悠悠闲闲！
由第1至第24号既柜台都系停用既，只见到远处25号柜台开始有乘客check in。
拜拜啦，郑州！希望下次黎既时候唔会落雨啦！
23 septembre Physical Check上星期四同A米姐一齐，巡例去左一年一度既体检。首先要多谢我地既HR阿琳达啦，帮我地争取到比之前好既安排！
1. 听之前体检完既同事讲，今次要抽3筒血喔，因为检多左野呀嘛！到我抽血果阵，姑娘问：“有没有贫血？”“没有。”“之前抽血会不会头晕？”“不会。姑娘，麻烦小力一点！”姑娘好温柔甘同我讲：“拳头握紧，会有一点点痛哦！”嗯，是真的挺痛！
2. 排队胸透，医生收晒我地D表之后就叫我地稳地方坐，到时听叫名。不过我地发现医生把声比姑娘仲细，所以大家都堆系胸透室既门口等叫名。
突然有个女仔同距个friend讲：哇……乜甘没私隐架？个个都睇到晒！
Friend: 车，个个肺都一样架啦，有咩所谓呀！
女仔：甘都系呀嘛，俾人睇晒个肺。拿，你一阵帮我睇下我个肺下，睇下有没变黑……
不过据何小车系门口既观察情况黎睇，个个肺都系黑色既，因为个Mon系黑白架嘛，呵呵……
3. 验视力，何小车发现视力差左，左眼1.0，右眼0.8，正在郁闷既时候发现A米姐同我既结果系刚相反既，左眼0.1，哇哈哈哈哈……（细声D，细声D，笑同学仔既行为系唔岩既！
4. B超，要忍。姑娘叫左两次A米姐个名，距都话未得，让左后面既人先检。到左第三次，个姑娘望住A米姐份表话：这个还没行，下一个~~~
体检结果仲未有呀，希望大家都健健康康，龙马精神！
18 septembre 痛亲同学仔个心呀！5555……好惨呀，本来想将memory card入边D video copy出黎，可以空返D位出黎影相，唔知点解，部脑死机，再开返果阵，张卡就已经衰左啦！可怜我呢几个月入边影既相没晒（虽然有D有copy低，但大部分都没，特别系隔离屋阿B果D呀！），连我D林海峰同奥运马仔既vedio都没埋啦，好痛呀！
林海峰D相我都未晒出黎，5555……就已经没左啦，5555……
经验教训，影左相就要即刻copy低或者罗去晒，切记切记！T_T 10 septembre 小晕语录之二小晕语录
口述：小晕
笔录：何小车
1. 在与EMS小王子的电话投诉中，小晕话：甘姐系刘翔既问题啦！（呢句系我地认为经典中既经典！卡姐投诉EMS都有一句：你D咩刘翔既速度呀？）
2. 小晕：你今晚同边个约会呀？
何小车：关你咩事呀？ 小晕：哼，我同你没言语呀！ 3. 与某人电话中，小晕：我梗系知啦，我睇下你对我老唔老实姐！ 4. 某晚 OTing，小晕突然引亢高歌之一：其实不想走，其实我想留~~~ 某晚 OTing，小晕突然引亢高歌之二：遥遥晚空~~~ （我地狂笑中） 5. 手机响，小晕：喂~喂~喂（稍大声）喂~（稍细声）喂~喂~（好大声）喂~。顶你个肺呀，痴根既。 6. 有个客话想系QQ度传文件俾小晕，距话（普通话）：Q, Q, Q什么呀Q，上不了网呀！ （第二节完） 9 septembre 小晕语录之一小晕语录
口述：小晕
笔录：何小车
此乃近期摘录，此前更精彩部分将于明天转载，敬请留意。谢谢！
1. 小晕行埋何小车个位度，拖住福娃“Ying Ying”对手，好深情甘望住距，叫1-2声：“Ying Ying~”之后行开。
2. 雪梨今晚罗住包叮当软糖派，派到小晕个位，距突然唱左句：“Do La A Mon~”之后吃左粒糖，仲猛话“正”。
3. 今晚何小车同小晕网聊，小晕话今日俾个客激亲，好辛苦先压制怒火，没罗张凳拍落个客度。
何小车：王子呀，你好geng架拉已经！
小晕：我未试过系浴缸度meng个塞出来哦！
何小车：你试过插把剑落旧石度呀嘛！
小晕：几想插落个客度啊~
哈哈哈哈~~~
 (第一节完） |
|
|
