今天去参加一个朋友的婚礼，不过严格上黎讲，应该算系我妈咪的朋友；一个之前为左识我而令他屋企人都同我妈咪混熟左的朋友。不过混左一轮之后，我发现他同我妈咪有好多野讲，系我屋企同两老倾计，一倾就倾到11点都唔走；反而系同我没共同话题，真系好好笑！

 

 失踪左一年之后的一晚，带住老婆仔黎我屋企派帖！嗯，恭喜晒！

 

 他二家姐今晚饮大左，送客的时候揽住我妈咪话：失礼D讲句，我细佬果阵真系好中意雯雯………… （我尴尬地走开）望下一对新人，好在人地忙于送客听唔到。望住他们，感觉到他们好幸福！好开心呀，好人系有好报既！我都放心啦！

 

 白头到老，恩恩爱爱！

他的自我介绍：

姓名：张学友

职业：唱歌的；唱过1,000多首歌，拿过300多个奖。

 

歌神果然名不虚传，巡回演唱最后一站系广州，因为从广州开始，在广州结束。昨晚系最后一站的最后一场，依然系座无虚席，听讲仲有部分系加位。

 

几首开场快歌之后，便带来了一个小高潮：《一千个伤心的理由》、《遥远的她》……因为D歌年代表较久远，加上他唔系我偶像，所以都暂时没乜共鸣。之后的经典回顾带来里一首粤语同一首国语既歌曲：《每天爱你多一些》同《吻别》。粤语果首系我都几中意既歌，应该系当年四大天王时期既经典啦，如果没记错，当时既我应该系读紧小学五年级，稳返果几本旧旧的歌部，呢首歌系有抄低过架。结尾部分更是带来一个接一个既惊喜，嘉妹今日讲29号那场结尾部分唱了10首歌，交足功课。有点后悔昨晚听了5首后就提早离场了。

 

唔知他昨晚有没唱呢首歌呢？

 她来听我的演唱会 在十七岁的初恋第一次约会 男孩为了她彻夜排队 半年的积蓄买了门票一对 我唱得她心醉我唱得她心碎 三年的感情一封信就要收回 她记得月台汽笛声声在催 播我的歌陪着人们流泪 嘿 陪人们流泪 …………

 

 

上星期六同雪梨饭去左睇陶喆演唱会，气氛唔错，舞台同灯光都好靓。即使有好多歌都唔知系咩歌名，又唔识唱，我都听得几投入架，到最后高潮果首《爱很简单》仲全场起身大合唱添！最紧要系饭饭同学睇得开心同满足！不过入场果阵俾D恶死保安收左我地两大支新买既荧光棒就真系好气愤，到我地完场出黎后都仲暗暗咒骂左距一轮，呵呵……

 

最近刨紧哈利波特终结篇，正！比前两本好睇，因为一开始就已经打到飞起，跳出左学校呢个特定既地点，描述左D在其他地方发生既故事，有新鲜感。劲推荐！

 

Good news, good news!! 我地今日有个超靓女既新同事on board，引起左一班同事激烈既讨论，呵呵……有新鲜野，仲要系靓野添，大家既心情都唔错，听日又有得见靓女啦，真系邓D男同事开心既姐！几时先有新既靓仔同事呀？？呵呵……

11月19日-26日，从来未试过系一个星期入边用左800几蚊电话费，果8日入边除左训觉果5、6个钟之外，随时on call，真系痛苦！不过都好，总算都结束啦。有左今年既经验，期待明年能有充分既时间去准备每一样野，做得更好！

 

继续分享下照片：

 

第18个洞呀，苏格兰同美国打左3个加赛先分到胜负呀！

 

人气指数最高既英国twins，因为够型够靓仔呀嘛！

 

黎两张近照，Ian呀！！！！

 

小丑与我（哇……距跪地送左我手上果朵花花俾我呀！）

 

华哥与我，仲有叶小姐（不过果晚距没唱“浪奔同浪流”喔，做左MC）！

 

 

       今天花园酒店间铺开张，请左小齐同伟哥过黎剪彩。近距离接触小齐，化左装原来都几型、英、帅喔！

 

      貌似大傻的伟哥。果然系我地经验丰富既ambassador，讲左句：我打球唔准唔紧要，欧米茄准就得啦！（俾足面啦！）

    

      Derek都几humourous，问距罗返只表竟然话：我走架啦，我唔除架啦！（点得呀？问过我老板先啦！）

 

       呢张相影到何小车劲丑怪，要稳Rex同学执执距先得！呵呵……

        今天我和电脑有个约会！对左你大半日，对眼好累啦，我要训觉透透先啦！下个星期再约过啦！

 

今日Wing Wing系广州办婚宴，一众好友都有到场，大家都好开心！新郎新娘就当然系“巡例”做晒布景板啦供我地影相啦！由于新郎太尽兴，俾一众宾客队lum左，未能出席我地既余兴节目，有点点遗憾！

其实今日系双喜临门既！明哥10点发短信话我知距得左，恭喜晒距！能够实现自己理想既人唔多，一路走黎，无论有咩曲折，距都坚持落去。知道呢个消息，我都好开心！衷心同距讲句：恭喜！……之后就唔知要讲D咩好啦！因为有D担心距，更多既系唔舍得！林林下就想喊，记得曾经唱过首歌俾距听：海洋的对岸是梦想的港湾，或许难免失败偶尔孤单，总能追赶，如果受了小小的风寒，我的心一直为你取暖，你知道我永远不离开。希望距永远记住！

    “原谅我太好奇，但世界太绮丽，我怎么能不一一去经历，否则我一定会恨死我自己，nothing ever changes，请快乐等待，等我绕一圈回来，还会是那个爱你的女孩，一样很容易感动感谢感慨，你给我的爱，我永远爱。”我地收到！

1)      网上征集玩新郎新娘游戏，欢迎各位积极留言。多谢多谢！

2)      2008年围内人士边个抢闸跑出拿正牌兼摆酒既，其余人士包酒席N围。呵呵……基基跃跃欲试；怀疑老甘借D意罗我地过桥向人地求婚。2008年2月29日，观望中………………呵呵………………

今日好开心呀，收到好多朋友既祝福同埋礼物，多谢晒各位呀！仲实现左其中一个愿望，多谢大师同某人啦！^_^

星期四晚一帮朋友吃饭，先听好朋友讲已经同男朋友分手，原因系男朋友出轨。已经系呢个月里边听过第三件“案例”啦，前两件系白痴同我讲既，系她两个好朋友既故事。近两年听埋听埋累计起身，呢D case 原来都有几多。姊妹话，呢D系每个男人都会犯既错误，因为男人系用下半身思考既。呢句话几年前已经系《流星花园》入边听过，当时觉得只不过系一句几好笑既台词，宜家先知，原来系当代男人既贴切描述。（开始钦佩起《流星花园》个编剧。）

我都曾经听人讲过，男人就分有贼心有贼胆同有贼心没贼胆。前者就唔使讲啦，出事机会100%；后者既出事机会就唔系话没，几率低D甘啦。我同好多朋友都讲过，如果系我身上发生D甘既事，我会毫不犹豫地分手。浪子回头金不换？我唔稀罕。有朋友话，因为我未经历过，未去到果一步，我体会唔到，所以讲得甘口响。但其实我听过甘多，同埋睇到甘多，我地大部分女仔都如我讲甘样，即刻分手，长痛不如短痛。系度想同好朋友讲返句：下次见到果个男人，唔好嬲，唔使伤心，唔使刮距一巴，大方行上去，衷心同距讲声“多谢”。你妈咪讲得岩架：宜家知好过以后知呀嘛！

姊妹话，某人系甘远返工，要注意注意。我系基督徒，所以相信系我前面既每一步主都会为我安排，而且系最好既安排；即使要经历某些伤痛，也是要我系当中学习同成长。我甘讲当然唔系话我会放任某人去出轨，等自己去经历啦（我唔系番薯黎架）。两个人一齐，系要互相信任、尊重同包容既，要大家努力去经营呢份感情（有D老土添）。将来系点，没人知，所以，姊妹们，最紧要系珍惜目前，开开心心过好每一天！

送返首歌俾两位姊妹：《爱一个，上一课》

 

谁担保可不可
有一个爱一个
为何我不可
值得好点结果
即使悔恨又如何
别离得多不痛楚
其实带泪都该庆贺
失恋不怕多
多得天的许可
爱一个上多一课
自由也不错被吹熄的爱火
光影总算照亮过
想开心如何懒惰
无谓算尽机关只要情动
也不敢错过

 

其实部分歌词都唔系甘认同，不过将就下听住先啦！

哇……系甘二就放完7日长假啦，加埋我30号休左年假，总共8日。由于某人好惨，没长假放，so我只能够自己找乐子，8日都已经休到我吽豆晒啦！不过都有好多开心既野系值得记低既！就等我review下啦：

 

Oct. 1 – big big family day: 爷爷召集我地返屋企聚会，由早上一路直落到晚上。睇住开左3台麻雀既一班老人家系度大战，大家都健健康康，开开心心，就系我地后生一辈既福气！不过，由于某人果日表现五好，所以有D五开心。经过事后检讨，希望以后会有进步啦！人与人之间既相处，真系有好多野要磨合既！（P.S. 大师，你都要努力呀！）

 

Oct. 2 – family day: 爸爸既生日，早上同某人去行街买礼物！唉……男人衫就真系难简啦，特别系老人家既衫，简黎简去都系果D款，连颜色既选择都好少！最终都买到件几满意既！最紧要爸爸中意！

 

Oct. 3 – swimming day: 同何小明去左swimming！系某中学老师既指导下，我既姿势准确度同速度都有好大提高！不过由于某中学老师既教导实在太严厉啦，游到我两条腿超累，无晒力啦！！！好在何小明都有同感，如果唔系，距5、6号又拉我去游，林林下都惊喔，妈咪！！！！有台风登陆，唔知何小颖个婚礼搞成点呢？

 

Oct. 4 – old friends gathering: 老大同老甘节前去左云南10几日，呢日得闲，所以约埋何小明同基基出黎饮茶！睇距地拍击video，个旅程都几艰辛，几危险下架！但听距地一路既描述，知道距地好enjoy罗。呢日多左个靓女join我地，第一次见，唔系老大既女朋友喔，系老大朋友既女朋友喔！只能感叹一句：老大人缘真好！

 

Oct. 5 – 白痴同乐日: 早上起床，有D百无聊赖，记起白痴果晚吃饭提过国庆出黎饮野倾计，所以试下短距，距又甘岩得闲喔，就去左新一城间Starbucks饮野。唔觉唔觉就过左3个钟啦！果间野就真系几适合倾计架，连国庆假期甘旺场既日子都竟然坐唔满人，实在好，唔使同人地逼（呵呵……好似想人地生意唔好甘）!（P.S. 白痴都要加油呀！）

 

Oct. 6 – 无聊，系屋企睇《Prison Break》第三季！down左3集，要一个一个星期甘等，有排都未睇完呀！唔知何小颖返左黎未呢？惊距累，都唔敢稳距住！

 

Oct. 7 – Last day 啦！早上都没野搞，晚上约左舅父一家吃饭。死啦，听日返工啦，咩都唔记得晒啦！！！！

     哇……好长呀！写完都没心机睇返啦！呵呵……今晚要早D训觉，听日要准时返工，好好工作！