小车's profile车厘子子子子子……PhotosBlogListsMore  |  Tools Help |
|
|
July 02 善意的谎言？
May 23 陈生感言某日，彦文话距喉咙痛，周身骨痛，叫我地唔好接近距，惊距自己系疑似病例，我地会俾人隔离喔。跟住陈生就发表左以下一番感言啦，真系出口成章呀。距话： “我唔惊喔，以前沙士果阵，我都照去天河城行场啦！其实呀，宜家D空气污染指数远远严重过猪流感病毒啦！食物基本有毒，医生基本没用！” 我地已经笑到肚痛，系我地既起哄同鼓励之下，距又讲左句： “我们在痛苦中奔跑，又在奔跑中超越痛苦。” 哇~~~唔系讲笑架，好似好有深度甘呢！呵呵…… May 20 婚前婚后结左婚两个几差唔多3个月啦，对于刚刚high到边，叫做系80后既我黎讲，婚前同婚后既生活都好似没乜太大既变化，就好似系多左个屋企甘！ 婚前系自己屋企就有爸爸妈妈照顾，我林好多80后都系甘架啦！训醒起床有早餐吃，出门口前带上妈妈整既饭盒，午餐都唔使忧啦；晚上返到屋企，如果爸爸妈妈早吃饭就会留饭俾我，吃完都系距地洗碗。系有时距地唔得闲要出街，或者唔舒服，我都会争住洗碗既，所以洗碗都算系我强项。其他家务基本唔识做，系有时要自己抹下书台同窗台上既灰尘。 婚后，爸爸妈妈就换成老爷奶奶，基本一日3餐都有距地照顾，奶奶仲会时不时问下老公我中意吃乜同唔中意吃乜，煮D岩我吃既送俾我。有时问到老公烦，就叫奶奶自己问我，奶奶既回答好好笑：我直接问距，距唔好意思话唔吃架嘛，你明唔明呀？（“你明唔明”呢句话好似系我奶奶既口头禅，呵呵……）距知我中意吃鱼，所以基本上晚晚都有鱼吃，仲要整其他送俾老公吃，因为老公有啃鱼骨既童年阴影。晚上吃完饭，林住表现下既我，收拾碗筷准备入厨房洗碗，点知俾老爷按住唔俾郁，距话洗碗呢样野系距包架，距唔洗唔舒服喔。于是距就会系接住落黎既一个钟头入边将D碗碟洗3轮，直到纳纳ling之后先会返出黎厅坐。 其实我地都大个架啦，好想做返D野，照顾返4位老人家，唔使距地甘操劳。可惜，我宜家都只能做D好基本既野，例如周末早上扫下地，抹下尘，折下衫，同埋趁老爷唔注意既时候洗左吃早餐既碗碟。唉，我觉得我同老公都要学多D点做家务先得啦，要俾距地睇到我地系得既，可以照顾到自己既。不过最紧要系4老要俾机会我地去表现先得！加油啦，何车厘&冯马可！ May 10 吃雪糕今日行系条街度，好晒，突然好想吃雪糕！不过又没人陪我吃喔，好惨呀！ 想买两个返屋企同妈咪一齐吃，不过系家乐福行返去屋企又有段路程，未到已经融晒啦，而且临近中午，要吃饭啦，妈咪实唔俾我吃住啦！ 雪糕呀雪糕，我几时先可以吃你呀？
April 20 过马路过马路对于何小车黎讲系一件好惊既事，偏偏宜家返工同放工都要过几次马路！要认真望清有没车先好过，特别系广州D车唔会有礼让行人既时候。人地见到人仔灯绿色系度眨紧都会行快几步冲过去先，但何小车就只能够等下一次转绿啦，鬼叫自己反应迟钝咩！有时系条街度行行下会突然发现好近自己左边或右边出现左一车头，原来人地要泊车埋黎呀，都唔知等我行过果个位等左几耐，真系唔好意思啦！有D司机就衰D，会响安催我行快D，5555……真系吓亲同学仔个心呀！
要时刻提醒自己，唔好成日踢到野，撞到人同埋尽量反应快D啦，唔知得唔得呢？ March 15 Special Thanks!终于3月6号都系开心、忙碌同混乱中度过左啦！
果几日阴雨连绵既天气真系令我既心情沉到落谷底呀，就连当日早上落楼接化妆师果阵，都搞到对鞋湿晒，当时真系想改期算啦！好在化紧妆果阵个太阳都出左黎，感谢主啦！
当日辛苦晒甘多兄弟姊妹啦，特别系我班靓靓姊妹，要距地大冷天着晒大露背，好在没冻亲距地！特别开心系阿明哥专程系澳洲返黎饮，多谢你！靖哥哥啦，腾黎腾去，做晒D粗重野！仲有哥哥 & Rex同学，晨早过黎帮我地影相，跟足全日！斌表哥啦，山长水远运红酒过黎！呀，仲有A米姐之前周围稳人帮我地做个靓靓留影区！Last but not the least, 就系Auntie Kitty啦，特登系香港揸部车上黎俾我做主花车，仲做左full day driver添！引用老公一句话：因为有你地，先会有我地难忘既婚礼！
 Many thanks to you all!!! February 21 繁忙的一天今日做左好多野：
7:30 晨早就俾电话吵醒，跟住俾妈咪娥左一轮，话我未买呢样未买果样喔。
10:00 唉，拿拿林返公司罗返之前买落又忘记带返屋企既新衫，途经万国就兜左一round，点知一无所获。反而系公司楼下某boutique大减价，一次过买左两条裤&两件衫先敢收队！
12:00 约左哥哥地吃饭。其实当时好眼训啦已经！
14:00 过芳村斟茶俾老公既嫲嫲，因为距行动唔方便，我地摆酒果日距离唔到呀！
16:00 老公约左高中同学吃饭。
21:30 返到屋企帮手执听日要搬既嫁妆，冲凉。
23:00 系屋企楼下等白痴。
23:50 准备要训觉啦！晚安！  February 16 Joy for Sharing大家如果唔识去新既海珠区民政局既话，可以打电话俾我咨询下，服务费每6秒6蚊鸡！呵呵……
读誓词，听森林哥讲距读果阵笑左距好耐，读唔落去，等我仲好期待果段野有几搞笑。其实都没咩呀，系得果句咩“清楚了解对方身体健康状况”比较无厘头姐，我地都读得好认真！ 齐齐画返只龟
笑到蒙晒眼
我扎熊仔花花系咪好得意呢？
大合照，好开心四老齐齐黎观礼！ 其实成个过程都系几分钟，好似赶鸭子甘，有D混乱！
老公叫我叫声距老公喔，但好唔惯呀，叫唔出口，呵呵……俾D时间我呀下！
最好笑系结婚登记既隔离系离婚登记，有个成60岁既阿姨好激动甘黎办理离婚，同我地呢边一对对既新人好大对比。
我：我地摆酒果日我都好似阿大嫂甘整600蚊鸡既指甲好唔好呀？
老公：好呀，甘我唔娶你得唔得呀？
我：甘我地行返过离婚登记果边办手续啦！
呵呵……呢个左结婚右离婚既设计都好便民下喔！
 过大礼好多朋友仔都问咩叫过大礼，其实我都唔系好知，连妈咪地果个级数都系左问下右问下甘罗！
上网查左下资料，解释系：约在婚前15-20天进行，男家选择好良辰吉日，携带礼金礼饼、各种礼物及祭祀品亲自送到女家，作为订亲之用。所有礼金、礼饼、礼品等数量一定要双数，寓意成双成对。女家会收低一半，之后再回返礼物既一半，同埋咩莲藕、芋头、姜呀之类既野一齐俾男家，仲有咩女婿裤、皮带、银包同袜。大致就系呢D啦，大家明白未呢？
女婿裤、皮带、银包同袜
 莲藕&芋头
 February 15 情人节之随想随想一：情人节要睇电影？
情人节的路上真系多人，问陈太有咩节目，原来距地都系去睇电影。去到电影院，排左一轮队先买到飞，仲要系七点果D已经爆满，要等到8点几。点解今日一定要去睇电影呢？
随想二：情人节要捧住扎花行街？
见距地捧住扎花行系条布满情人既街上，我都邓扎花辛苦，俾人逼黎逼去，几靓既花都谢晒啦！
入戏院坐低既时候见到一个靓女捧住99支玫瑰入黎，坐系前面果排，大家可以想象一下一扎好靓既99支玫瑰既size系点，见距左摆又唔系，右摆又唔系：
C: 甘大扎花系前面挡住，距点睇戏呀？
M: 系罗，系罗！甘昂居既！
C: 不过如果有人送99支玫瑰俾我，我都唔介意昂居架！
M: ......
C: hahahaha...
随想三：爱情的魔力
当爱情来临既时候，陶醉得反一反白眼，整个世界天旋地转，won...derful! - 《2009家有喜事》
真系好好笑架！ February 07 聚会今晚同左几个美女吃饭，笑到声喉都沙晒！
甘样既聚会可以多组织一下既，呵呵~~
37°2 的出品依然保持水准，吃得好饱！
倾计的过程中发现我地身边有唔少强人，分享下：
1. 年龄问题
S: 咦，你做乜走呀？
A: 我年纪太大啦（其实得果25岁），唔适合坐呢度，都系留返俾D后生坐啦！
S: 唉，我地公司都唔嫌你，你钟嫌D咩呀？
（哇~~使唔使甘直接呀？）
2. 我的志愿
B: 我返工钻钱其实都系想买返部xxx相机架咋。
M: 我返工钻钱其实都系想去xxx旅行架咋。
D: 我返工系想买个钢琴架咋。
B: 哦，都好便既姐，几千蚊都有啦。
D: 唔系架，我系想买果D几万蚊既三角钢琴架。
M: 你识弹钢琴架？
D: 唔识。
（原来你系想买个钢琴黎摆既！  ）February 02 年，又过年，又过埋个年~~呢个牛牛既春节又过左啦！好快呀，总括黎讲仲累过返工呀~~
记录笑话一则：
年初一，中午去光孝寺上香，系门口就要分流啦，个个都话经济唔好，要黎求神保佑喔。
通常人多既地方会听到广播：XXX小朋友，你爸爸系广播室等你；
或者系：XXX，你个仔系广播室等你。
突然广播响起：陈忠阳，陈忠阳，请速到广播室，我地执到你既“遗物”，请即刻黎认领。（重复左4、5次）
大吉利市罗，新年流流，边个会去认领返自己D“遗物”呀，真系笑死同学仔呀！
January 23 关于爱情 - 今日我坐220林住今日北京路有花市会好塞车，所以坐左220。在车上听到呢段对话：
两个女仔A&B，普通话
A: 你跟你男朋友5年啦？好久哦！
B: 嗯，是呀！我们是高中同学，后来读大学就成了好朋友，像兄妹一样的好。是大四才开始在一齐的！
A: 哦，到大四呀，那真正在一齐也只有一、两年罗？
B: 是呀！唉呀，不要说我啦，说你吧！（当事人唔多愿意透露）
A: 唉呀，我是之前听你说有些事情没解决，所以一直不知道你有没有男朋友嘛！为什么要拖那么久呀？（好有做记者既潜质）
B: ......是因为他觉得有原因令我们不可能在一齐！
A: 原因？是你介意的原因吗？
B: 我不介意呀。但不代表我爸妈不介意。
A: 是家庭的原因吗？
B: 嗯！唉呀，不要说我的啦！说说你的吧！（当事人想转话题）
A: 我的没什么好说的！所以你们到去年才开始的？（打烂沙盆既精神）
B: 对呀，其实从大一开始就互有好感了，到了大四还是没说出来，我觉得不应该这样的。没有在一齐过，怎么会知道不可能呢？所以最后决定要在一齐。
A: 不过你一定要弄清楚，我们都不小了，不是18、20了。（何小车绝对唔同意呢个关于年龄既观点，先得果24、5岁，甘都叫年纪大呀？甘我咪好老！）
不过B既做法我都几认同架，有D野，你唔踏出果一步，或者只系半步，你又点知结果会系点呀！
当然，决定要行果阵都要先望下前面系咪有滩水或者有个坑罗，没理由明知系个tum，你都差只脚埋去既！ 子华很大获，我地好快乐黄子华第一次黎广州开show，场场爆满！
3个钟落黎，终于知道咩叫做拍难手掌，我对手拍到好痛呀！
辛苦达令&她个朋友帮手买到80蚊既飞，抵到烂呀！比头等380要坐到1楼23排果D位好好多！
  毫无舞台装饰，唯一装饰系距个头发。
  至型西装look！
  January 14 Hi, I want to call you!好忙呀，好忙呀！
返工又忙，放假又忙，几时先唔使甘忙呀？
今日下午打开手机既电话部，竟然唔知要打俾边个，有D失落添！
电话部入边没100都起码有80个电话号码，除左屋企人、亲戚、客户、餐厅同KTV既电话之外，朋友既电话都起码有2、30个吧。但睇黎睇去都唔知打俾边个好！
Hi, could I call you?
今晚罗左件婚纱返屋企，妈咪就好迫不及待甘扬出黎睇啦，隔离屋阿哥哥姐姐、梁太都系度，一次过睇晒！
点知突然跌左朵花出黎，好在系宜家跌姐。妈咪话可以自己整返上去喔。
嗯，要mi下其他几朵，睇下稳唔稳阵先得！ January 09 今日笑料1）Amy姐的概叹之一：
A米：阿马生，我地已经叫财务汇钱架啦~~系~~系~~我地都没计架。阿马生，你要知道，我职位低微呀，有D野唔系我可以去催架嘛！
2）Amy姐的概叹之二：
听完小晕同个客倾完电话之后，A米话：唉~~人真系会成长架！
3）BoBo头痕
宝宝（罗住张维修单）：甘宜家姐系点呀？要收距钱喔！
陈生：我一阵稳你再同你讲啦！
宝宝：唉，好头痕呀！
陈生：唔通我帮你"凹"呀？！
4）陈生多事（多谢Amy姐既报料），电梯中
某妈咪（指住距朋友教距BB讲野）：多事！
朋友（指住BB）：多事！
BB学讲野：多事！
临出电梯既时候，陈生对住个BB爆左句：喂，你个英文名叫Dorothy呀！
妈咪呆左一轮后经朋友提醒先知距讲乜，妈咪话：神经病，距先多事呀！
（哈哈……阿陈生真系没改错名，距真系TC架） January 01 没有卡姐的日子 - 最尾一日啦！！！林住今日会OT，估唔到咩都好顺利，6点半执完野就可以放工啦！
等我4号返黎就可以见返卡姐啦，哇哈哈哈哈……
上网搞紧D相既时候，唔觉唔觉就已经过左12点，希望今年大家都很牛啦！
新年快乐，everybody!!!
讲样好惊既野，今晚纳左下珠光宝气既预告，阿Sunny竟然摸住Calvin块面话：点解我会甘样帮你？唔系因为Sylvia讲既野几有说服力，而系因为我同距一样甘爱你。
咦~~~~好惊呀！ December 28 我中意我真系好中意果件衫架，点解？点解？点解要甘姐？
呢两日既进度有D神速，多谢小欣同志同妈咪陪我去make decision！如果唔系，我林我会有排行！多谢你地！！！
下个星期返3日工，呵呵……
好野，卡姐就快返黎啦！
|
|
|
