琳达话距祈求左好耐既日全食，竟然只光临总部上海，忘记了我地民间，因为我地只能看到日偏食。但你点都林唔到的系当日上海落雨，咩都睇唔到，反而广州全日放晴，系理想既观日地点！搞到上海既同事很郁闷，呵呵……

果日返工果阵就不断见到路上有人举高D菲林底片黎睇住个太阳，自己系巴士度都不自觉是不是望下个太阳，又望下个手表，惊错过左。返到公司，小晕话同事都落晒7楼平台去睇啦，拿拿林同丧哥一齐搭电梯落去。同搭一部电梯既几个女仔系7楼撞到同事，话食紧啦，果几个女仔就好似小朋友听到前面有糖派甘，小跑住冲左过去。我自己心入边都好似好兴奋甘，罗住琳达准备既底片望向太阳，不过看得唔系好清，唯有排队去罗果块据说好pro既玻璃片黎睇。哇……终于睇到啦，真系好神奇呀！！！

转贴A米姐发过黎既两张相分享下！

我唔系你，我唔知咩时候“善意既谎言”系适用既。或者你压力好大，你好多野做，你老细逼紧你，但请你唔好将你既坏心情带俾人地。虽然我EQ高，但都会受外界影响而降低呢方面既能力，呢种能力降低，后果可能好严重。

如果系我既错，我会认；但如果系你自己既疏忽，请你唔好怪别人，呢D系你既份内事，唔系我既，叫我帮你没问题，但请不要认为这是奉旨。

以上既道理可能讲极你都唔会明，只能够讲我地相处唔黎。

某日，彦文话距喉咙痛，周身骨痛，叫我地唔好接近距，惊距自己系疑似病例，我地会俾人隔离喔。跟住陈生就发表左以下一番感言啦，真系出口成章呀。距话：

“我唔惊喔，以前沙士果阵，我都照去天河城行场啦！其实呀，宜家D空气污染指数远远严重过猪流感病毒啦！食物基本有毒，医生基本没用！”

我地已经笑到肚痛，系我地既起哄同鼓励之下，距又讲左句：

“我们在痛苦中奔跑，又在奔跑中超越痛苦。”

哇~~~唔系讲笑架，好似好有深度甘呢！呵呵……

结左婚两个几差唔多3个月啦，对于刚刚high到边，叫做系80后既我黎讲，婚前同婚后既生活都好似没乜太大既变化，就好似系多左个屋企甘！

婚前系自己屋企就有爸爸妈妈照顾，我林好多80后都系甘架啦！训醒起床有早餐吃，出门口前带上妈妈整既饭盒，午餐都唔使忧啦；晚上返到屋企，如果爸爸妈妈早吃饭就会留饭俾我，吃完都系距地洗碗。系有时距地唔得闲要出街，或者唔舒服，我都会争住洗碗既，所以洗碗都算系我强项。其他家务基本唔识做，系有时要自己抹下书台同窗台上既灰尘。

婚后，爸爸妈妈就换成老爷奶奶，基本一日3餐都有距地照顾，奶奶仲会时不时问下老公我中意吃乜同唔中意吃乜，煮D岩我吃既送俾我。有时问到老公烦，就叫奶奶自己问我，奶奶既回答好好笑：我直接问距，距唔好意思话唔吃架嘛，你明唔明呀？（“你明唔明”呢句话好似系我奶奶既口头禅，呵呵……）距知我中意吃鱼，所以基本上晚晚都有鱼吃，仲要整其他送俾老公吃，因为老公有啃鱼骨既童年阴影。晚上吃完饭，林住表现下既我，收拾碗筷准备入厨房洗碗，点知俾老爷按住唔俾郁，距话洗碗呢样野系距包架，距唔洗唔舒服喔。于是距就会系接住落黎既一个钟头入边将D碗碟洗3轮，直到纳纳ling之后先会返出黎厅坐。

其实我地都大个架啦，好想做返D野，照顾返4位老人家，唔使距地甘操劳。可惜，我宜家都只能做D好基本既野，例如周末早上扫下地，抹下尘，折下衫，同埋趁老爷唔注意既时候洗左吃早餐既碗碟。唉，我觉得我同老公都要学多D点做家务先得啦，要俾距地睇到我地系得既，可以照顾到自己既。不过最紧要系4老要俾机会我地去表现先得！加油啦，何车厘&冯马可！

今日行系条街度，好晒，突然好想吃雪糕！不过又没人陪我吃喔，好惨呀！

想买两个返屋企同妈咪一齐吃，不过系家乐福行返去屋企又有段路程，未到已经融晒啦，而且临近中午，要吃饭啦，妈咪实唔俾我吃住啦！

雪糕呀雪糕，我几时先可以吃你呀？

齐齐画返只龟

笑到蒙晒眼

我扎熊仔花花系咪好得意呢？

大合照，好开心四老齐齐黎观礼！

呵呵……呢个左结婚右离婚既设计都好便民下喔！